Artefacto dizajn centar /
Nova Minotti kolekcija 2020 ocrtava novi ideal savremenog življenja, sa upečatljivim italijanskim dizajnom. Kolekcija je zapadnjačkog duha sa primjesama srednjovjekovne sofisticirane atmosfere i formalnog minimalizma Japana. Sadrži skulpturalne elemente i dodatke koji svojom formom reinterpretiraju duh pedesetih i šezdesetih godina prošlog vijeka.
Projekat oslikava savršenu kombinaciju estetike, dizajna i mode, miješajući stilove i dizajnere. Dizajneri ovogodišnje kolekcije pored Dordonija su Nendo, Marcio Kogan, Christophe Delcourt i GamFratesi. Različito porijeklo dizajnera razvija složenu kolekciju, otvorenu za različite oblike i kulturne uticaje.
Kolekcija sadrži komadni namještaj za zatvorene i otvorene prostore, koji su u neprekidnom dijalogu, prilagodljive podjednako rezidencijalnim i ugostiteljskim objektima. Kolekcija na otvorenom zamišljena je kao produžetak unutrašnjeg dnevnog boravka, eliminišući granice zatvorenog i otvorenog prostora. Komadni namještaj za otvorene prostore zasniva se na čistim geometrijskim oblicima-kvadratu, pravougaoniku i krugu.
Kada je riječ o Indoor kolekciji , među modularnim sofama definitivno se izdvaja Connery, koju je dizajnirao Dordoni, inspirisan američkom arhitekturom srednjeg vijeka. Connery karakterišu raznovrsne kompozicije i širok spektar materijala za kombinovanje. Ovu modularnu sofu definiše njena pravilna geometrija i preciznost izrade. Postolje sofe je moguće tapacirati u koži,čime se stvara kontrast u odnosu na tkaninu sjedalnog dijela sofe. Struktura je podignuta od poda na postolju od aluminijuma, pozicioniranom na prednjoj strani, dajući sofi privlačan i prozračan izgled. Čisti geometrijski oblici upotpunjeni su sa četiri nova sistema sjedišta, izuzetnim kvalitetom izrade svakog detalja i ekskluzivnim izborom materijala.
Pored sofe Connery definitivno izdvajamo sofu Blazer, koja najbolje opisuje zanatski pristup kompanije. Pažljivo biran modularni sistem sjedišta sa čistim linijama i savremenim izgledom.Šavovi na Blazeru se provlače preko svih površina, stvarajući efekat jorgana sa vrlo izraženom estetikom.
Kolekciju nisu zaobišle ni zakrivljene forme poput sofe i fotelje Mattia, kao i model Torii. Torii dizajnira Nendo. Inspiraciju pronalazi na primjeru ulaznih vrata japanskih šintoističkih svetilišta.
Među komadima svakako treba izdvojiti i sto Linha, dizajn brazilskog arhitekte, kao izraz minimalizma i elegancije, sa pažljivo biranim detaljima. Linha ili “linija” na portugalskom, njegov je odgovor na izazov dizajniranja trpezarijskog stola velikog raspona, konstrukcije debljine samo 16mm i ploče koja može biti dugačka i do 4 metra. Vizuelno djeluje veoma elegantno i prozračno, uprkos snažnom uticaju upotrijebljenih materijala, odnosno, mermeru.
U kolekciji se mogu takođe izdvojiti komadi pod nazivom Fynn, koji u projekat unosi i elemente skandinavskog dizajna.
Minotti svoj identitet gradi oko “made in Italy” koncepta, koji danas spaja tradiciju i inovacije, razvijajući komadni namještaj vrhunskog dizajna. Kolekcija 2020 dizajnirana je zamišljajući ljude koji je zaista koriste u prostorima u kojima žive, stvarajući atmosferu a ne isključivo fokus na pojedinačan komad
